Staðfest leikjadagskrá yngri flokka
Mótin 2024 - Staðfest leikjadagskrá yngri flokka
Mótanefnd KSÍ hefur staðfest niðurröðun leikja sumarsins í yngri aldursflokkum.
Félög eru vinsamlegast beðin að hafa í huga að verulega miklar breytingar hafa verið gerðar undanfarna daga á niðurröðun leikja í sumum mótum vegna breyttra skráninga. Mikilvægt er að forráðamenn félaga sjái til þess að öll eldri drög leikja verði tekin úr umferð til þess að forðast óþarfa misskilning.
5. flokkur kvenna A-riðill
Ekki er búið að staðfesta niðurröðun leikja í A-riðli 5. flokks kvenna. Verður það gert í næstu viku.
Ákvörðun mótanefndar um breytingar leikja
Óheimilt er (nema í sérstökum neyðartilfellum) að fresta leikjum yngri flokka sem eru á dagskrá í maí, júní og júlí, aftur fyrir 1. ágúst.
Félög eru vinsamlegast beðin um að kynna ofangreinda ákvörðun meðal sinna þjálfara.
Breytingar leikja
Minnt er á að leikjum er að öllu jöfnu ekki breytt nema fyrir liggi staðfesting beggja félaga – ATH óskir um breytingar leikja eru gerðar á innri vef KSÍ.
Einungis yfirnotendur félaga geta breytt leikjum.
Athugið að ekki er hægt að breyta leikjum á innri vef KSÍ sem þegar hafa átt að fara fram. Í því tilfelli þarf að senda tölvupóst með samþykki beggja félaga á starfsfólk mótamála hjá KSÍ.
Úr reglugerð KSÍ um knattspyrnumót grein 15.7 – Félög eru vinsamlegast beðin um að upplýsa þjálfara yngri flokka
„...Sérstakt breytingagjald skal innheimt ef ósk um breytingu á leik berst innan við 7 daga fyrir leikdag. Gjald þetta er kr. 3.000.- í yngri aldursflokkum en kr. 17.500.- í meistaraflokki. Ekki er innheimt gjald ef óskin um breytingu er nauðsynleg vegna verkefna landsliða eða annarra óviðráðanlegra orsaka...“
.jpg?proc=760)
