Sjónlýsing í boði í Meistarakeppni KSÍ
Boðið verður upp á sjónlýsingu á leik Vals og Víkings R. í meistarakeppni KSÍ kvenna á þriðjudaginn. Tómas Þór Þórðarson mun sjá um lýsinguna á leiknum sem hefst klukkan 19:30.
KSÍ bauð upp á sjónlýsingu á landsleikjum á síðasta ári sem tókst vel til. Í Meistarakeppni KSÍ karla á dögunum var prufuð ný tækni sem veitti öllum gestum leiksins aðgang að lýsingunni, en ekki aðeins þeim sem eru blindir eða sjónskertir. Sama tækni verður notuð á morgun.
Til að geta notið sjónlýsingarinnar á meðan á leik stendur þurfa gestir leiksins aðeins að mæta með sín eigin heyrnartól og hlaða niður appi eða nálgast lýsinguna á heimasíðu KSÍ.
Við hvetjum þau sem ætla að mæta á N1-völlinn að Hlíðarenda á þriðjudag að taka með sér heyrnartól og prufa þessa nýju tækni sem mun að öllum líkindum bæta upplifun margra, bæði sjónskertra og þeirra sem eru með fulla sjón.
Ekki þarf að mæta á völlinn til að njóta lýsingarinnar því hún er aðgengileg á öllu landinu.
Hér má nálgast appið Raydio - Audio Inklusion:
.png?proc=760)
