Niðurröðun leikja í yngri aldursflokkum - Viðbótarfrestur
Nú er að mestu lokið niðurröðun leikja komandi knattspyrnusumars í yngri aldursflokkum og búið er að afgreiða allar óskir sem hafa borist við þau drög sem voru birt 1. mars. Ekki var hægt að verða við öllum óskum félaga.
Sérstaklega er vakin athygli á að nokkrum mótum hefur verið raðað upp að nýju í heild sinni vegna breyttra skráninga.
Félögum gefst nú tækifæri til að koma að viðbótar athugasemdum við niðurröðun leikja. Ef félög vilja koma að athugasemdum, þá þurfa þær að berast í síðasta lagi þriðjudaginn 16. apríl á netfangið birkir@ksi.is.
Stefnt er að því að staðfesta mót yngri flokka föstudaginn 19. apríl.
.jpg?proc=760)
