149 þingfulltrúar á komandi ársþingi KSÍ
Þann 24. febrúar fer 78. ársþing KSÍ fram í íþróttamiðstöð Fram í Úlfarsárdal, Reykjavík. Frestur til að skila inn tillögum rann út 24. janúar og frestur til að skila inn framboðum til stjórnar er til 10. febrúar.
Aðildarfélög KSÍ hafa fengið sent boð um að skila inn kjörbréfum sínum, þar sem þau tilnefna sína fulltrúa á ársþingið. Í fyrsta skipti verður nú ferlið við skil á kjörbréfum fyrir ársþing KSÍ að fullu rafrænt. Þetta nýja ferli hefur verið skoðað og staðfest af kjörnefnd KSÍ. Alls eiga 149 fulltrúar frá aðildarfélögum KSÍ rétt á þingsetu á komandi þingi (uppfært 12.02.24).
Á ársþingsvef KSÍ er að finna allar upplýsingar um þingið og fyrri þing.
Mynd með grein: Hulda Margrét.
