Mikilvægur sigur gegn Wales
A landslið kvenna vann í kvöld góðan 1-2 sigur gegn Wales í Þjóðadeildinni.
Fyrra mark Íslands skoraði Hildur Antonsdóttir eftir um hálftíma leik. Hildur sjálf vann boltann við vítateig Íslands og kom honum á Karólínu Leu. Sóknin endaði með fyrirgjöf frá Sædísi Rún sem barst til Hlínar áður en Hildur kom boltanum í netið.
Ísland fór með eins marks forystu inn til hálfleiks. Diljá Ýr Zomers kom inn á á 63. mínútu og skoraði annað mark Íslands á 79. mínútu. Allt stefndi í tveggja marka sigur Íslands en heimakonur klóruðu í bakkann með marki á 94. mínútu.
Með sigrinum tryggði liðið sér sæti í umspili um sæti í A deild Þjóðadeildarinnar. Spilaðir verða tveir leikir, heima og að heiman og verður dregið um mótherja þann 11. desember. Leikirnir fara fram í lok febrúar á næsta ári.
.jpg?proc=760)
.jpg?proc=760)
.jpg?proc=760)
.JPG?proc=760)