Ísland mætir Wales á föstudag
A landslið kvenna er mætt til Cardiff í Wales og hefur hafið þar æfingar í undirbúningi sínum fyrir leikinn gegn Wales á föstudag.
Leikurinn er liður í Þjóðadeild UEFA og fer hann fram á Cardiff City Stadium og hefst hann kl. 19:15. Bein útsending verður frá leiknum á RÚV.
Ferðalagið hjá liðinu gekk vel og allir leikmenn eru heilir og tilbúnir í verkefnið. Ísland mætir svo Danmörku á þriðjudag í Viborg, en þetta eru tveir síðustu leikirnir í riðlakeppni Þjóðadeildar UEFA.
Ísland er í þriðja sæti riðilsins, á meðan er Wales í neðsta sæti og Danmörk í því efsta. Liðið sem endar í neðsta sæti riðilsins fellur niður í B deild, en það sem endar í þriðja sæti fer í umspil í febrúar um að halda sæti sínu í A deild.
