Jafntefli hjá U19 kvenna
U19 kvenna gerði 1-1 jafntefli gegn Belarús þegar liðin mættust í öðrum leik sínum í undankeppni EM 2024.
Ísabella Sara Tryggvadóttir skoraði mark Íslands í fyrri hálfleik en Belarús jafnaði metin undir lok leiksins. Ísland er í öðru sæti riðilsins með fjögur stig fyrir síðasta leikinn, en þar mætir liðið Serbíu sem er á toppnum með sex stig. Úrslit dagsins þýða að liðið mun áfram vera í A deild undankeppninnar fyrir seinni umferðina í vor.
Leikur Íslands og Serbíu fer fram kl. 10:00 á mánudag.
.jpg?proc=760)
