Miðar fyrir handhafa A og DE skírteina á úrslitaleik Fótbolta.net bikarsins

Í samræmi við reglugerð KSÍ um aðgönguskírteini eiga handhafar A og DE skírteina rétt á miðum á alla leiki í mótum á vegum KSÍ og landsleiki KSÍ innanlands. Skírteinishafar sem vilja nýta sér þennan rétt og fá miða á leik Víðis og KFR í úrslitum Fótbolta.net bikarsins geta nú óskað eftir að fá miða í gegnum skráningarform. Athugið að takmarkað magn miða er í boði á hvern leik. Skírteinishafar geta óskað eftir að fá tvo aðra miða við hliðina á frímiðanum og er þá greitt fyrir þá miða fullu verði. Hægt er að óska eftir miðum til 12:00 föstudaginn 29. september.

• Mótamál