Valur og Stjarnan í Meistaradeild Evrópu á miðvikudag
Kvennalið Vals og Stjörnunnar hefja leik í 1. umferð undankeppni Meistaradeildar Evrópu á miðvikudag.
Undankeppnin virkar þannig að spilað er fjögurra liða mót (e. Mini tournament) þar sem hvert lið spilar tvo leiki. Vinna þarf báða leikina til að komast áfram í næstu umferð keppninnar. Þau lið sem vinna fyrri leikinn mætast í síðari leiknum sem er úrslitaleikur um að komast áfram. Liðin sem tapa fyrri leiknum mætast í síðari leiknum en eiga ekki möguleika á að komast lengra í keppninni.
Valur spilar gegn Fomget Gençlik frá Tyrklandi en leikið verður í Albaníu. Í hinum leiknum í riðlinum mætast Vllaznia frá Albaníu og EP-Hajvalia frá Kósóvó. Leikur Vals hefst klukkan 10:00 að íslenskum tíma. Hægt er að horfa á leikinn í beinu streymi hér.
Stjarnan mætir Levante frá Spáni en leikið verður í Hollandi. Í hinum leiknum í riðlinum mætast Twente frá Hollandi og Sturm Graz frá Austurríki. Leikur Stjörnunnar hefst klukkan 11:00 að íslenskum tíma.
Síðari leikur liðanna fer fram á laugardag.
.jpg?proc=760)