Ljóst hvaða lið mætast í undanúrslitum Mjólkurbikars karla
Dregið var í undanúrslitum Mjólkurbikars karla í hálfleik í leik KR og Stjörnunnar sem fram fór á KR velli á þriðjudag. Í pottinum voru KA, Breiðablik, Víkingur R. og KR eða Stjarnan. KR vann 2-1 sigur í framlengingu og tryggði sér þar með síðasta sætið í undanúrslitunum.
KA og Víkingur R. fengu heimaleiki og er það Breiðablik sem heimsækir KA menn og KR fer í Víkina. Leikirnir verða í beinni útsendingu á RÚV2.
Undanúrslit í Mjólkurbikar karla:
Víkingur R. - KR - Mánudaginn 3. júlí kl. 19:30
KA - Breiðablik - Þriðjudaginn 4. júlí kl. 19:30
