Fótbolti fyrir alla með Gunnhildi Yrsu
Gunnhildur Yrsa Jónsdóttir mun í sumar sjá um verkefnið Fótbolti fyrir alla á vegum KSÍ. Markmiðið með verkefninu er að efla starf fatlaðra innan knattspyrnuhreyfingarinnar.
Gunnhildur mun heimsækja félagsmiðstöðvar og sumarnámskeið fyrir einstaklinga með sérþarfir um allt land í sumar og bjóða upp á fótboltaæfingar. Eitt af markmiðum KSÍ þegar kemur að samfélagslegum verkefnum er að gera raunverulegt og áþreifanlegt gagn í samfélaginu og er þetta verkefni mikilvægur þáttur í því og eru miklar vonir bundnar við að Gunnhildur geti heimsótt sem flesta staði.
Ef þín félagsmiðstöð eða sumarnámskeið vill fá Gunnhildi í heimsókn, hafðu samband við hana á gunnhildur@ksi.is.
