Diplómanám í knattspyrnu tengdri lögfræði á vegum FIFA
Opnað hefur verið fyrir umsóknir um diplómanám í lögfræði tengdri knattspyrnu á vegum FIFA (FIFA diploma in football law).
Námið er hannað til þess að veita stjórnendum sem starfa í lögfræði tengdum störfum innan knattspyrnuhreyfingarinnar betri þekkingu á því lagalega umhverfi sem fylgir knattspyrnu. Námið er kennt í fimm lotum sem kenndar eru í fjórum löndum yfir 13 mánaða tímabil. Námið hefst í febrúar 2024 og lýkur í mars 2025, kennt verður í Sviss, Paragvæ, Sameinuðu arabísku furstadæmunum og Bandaríkjunum. Megináherslur námsins eru lagaleg málefni tengd knattspyrnu, félögum, samningaréttur, málefni tengd auglýsingarétti og málefni bakhjarla svo fátt eitt sé nefnt.
Til þess að geta sótt um námið þarf að starfa í stjórnenda-, eða lögfræðitengdri stöðu hjá knattspyrnusambandi innan FIFA, knattspyrnufélagi, knattspyrnudeild eða starfa sem lögfræðingur með áherslu á íþróttir og knattspyrnu. Námið kostar 10 þúsund Bandaríkjadali og er umsóknarfrestur til og með 15 september 2023.
Hægt er að senda fyrirspurnir á netfangið football.lawdiploma@cies.ch
Smellið hér fyrir bækling varðandi námið
Smellið hér til að fara á umsóknarvef
.jpg?proc=760){kind=logo}
