Víkingur R. Lengjubikarmeistari í B-deild
Víkingur R. er Lengjubikarmeistari í B-deild kvenna eftir að hafa farið taplaust í gegnum mótið. Liðið vann sigur í sex leikjum og gerði eitt jafntefli.
Í lokaleik liðsins gegn Fram vann Víkingur 6-0 stórsigur. Bergdís Sveinsdóttir kom Víkingum á bragðið með marki strax á 6. mínútu leiksins og Selma Dögg Björgvinsdóttir bætti öðru marki við á 12. mínútu leiksins. Sigdís Eva Bárðardóttir skoraði þrennu fyrir Víkinga en eitt markanna var sjálfsmark gestanna.
Völsungur sigurvegari í C-deild
Í úrslitaleik C-deildar Lengjubikars kvenna mættust Völsungur og Fjölnir. Staðan var 1-1 eftir venjulegan leiktíma. Tinna Sól Þórsdóttir kom Fjölni yfir á 17. mínútu en Hildur Anna Brynjarsdóttir jafnaði metin fyrir Völsung á 48. mínútu. Úrslitin réðust í vítaspyrnukeppni þar sem Völsungur skoraði úr öllum sínum fimm spyrnum en Fjölnir skoraði úr fjórum. Völsungur er því Lengjubikarmeistari í C-deild kvenna 2023.
