Hugum að kynjaskiptingu við val á þingfulltrúum
Frá stjórn KSÍ:
Í átaksverkefni KSÍ "Konur í fótbolta" kemur fram að þriðjungur skráðra knattspyrnuiðkenda (leikmanna) á Íslandi er kvenkyns, en þegar kemur að öðrum hlutverkum í knattspyrnuhreyfingunni er hlutfall kvenna mun lægra.
Á ársþingi KSÍ 2022 sem fram fór að Ásvöllum í Hafnarfirði voru konur 20% þingfulltrúa, eða 30 af 149 þingfulltrúum. Aldrei fyrr höfðu jafn margar konur verið þingfulltrúar. Kvenkyns þingfulltrúum á knattspyrnuþingum hefur fjölgað jafnt og þétt síðustu árin eftir árlega hvatningu frá forystu KSÍ til aðildarfélaga um að huga að kynjaskiptingu sinna fulltrúa á ársþingum og er ánægjulegt að sjá þróun í þessa átt ár frá ári.
Stjórn KSÍ hvetur því aðildarfélög til að huga vel og vandlega að kynjaskiptingu við val á þingfulltrúum fyrir 77. ársþing KSÍ, sem fram fer þann 25. febrúar næstkomandi á Ísafirði. Þetta skiptir verulegu máli fyrir knattspyrnuhreyfinguna okkar.
Mynd með grein: Hulda Margrét.
.jpg?proc=760){kind=logo}
.jpg?proc=760)
