Vel heppnaður dagur barna- og unglingaráða
Ráðstefnan “Deilum því sem vel er gert” þar sem barna- og unglingaráð, og aðrir sem tengjast yngri flokka starfi komu saman, var haldin í höfuðstöðvum KSÍ laugardaginn 14. janúar 2023. Markmiðið með ráðstefnunni var að félögin myndu læra hvert af öðru og koma af stað samtali sín á milli.
Átta erindi voru á dagskrá.
Yfirþjálfarar yngri flokka – Hlutverk yfirþjálfara yngri flokka, byggt á niðurstöðum Mastersverkefnis Aðalbjarnar Hannessonar frá HR – Arnar Bill Gunnarsson fræðslustjóri KSÍ
Dómaramál – Halldór Breiðfjörð Jóhannsson - Utanumhald um dómaramál hjá félögunum.
Sjálfboðaliðar – Jóhann Þór Jónsson sagði frá sjálfboðaliðum innan Breiðabliks með áherslu á Símamótið.
Fjáraflanir – Þorvar Hafsteinsson sagði frá netfjáröflun HK.
Hópavinna þar sem rætt var hvað þarf að vera í fyrirhugaðri handbók sem KSÍ ætlar að gefa út um starfsemi barna- og unglingaráða.
Linda Dagmar Hallfreðsdóttir og Páll Guðmundur Ásgeirsson fluttu erindi um mótamál þar sem einblínt var á skipulag í kringum Norðurálsmótið á Akranesi.
Linda Guðmundsdóttir, íþróttafulltrúi Þórs á Akureyri, kynnti hvernig þau hafa innleitt hugarþjálfun í starf sitt.
Páll Árnason annar af yfirþjálfurum yngri flokka hjá Stjörnunni sagði frá verkefni sem undirbýr unga iðkendur fyrir meistaraflokk – Skipting yngri flokka í Stjörnustarf og afreksstarf.
Jörundur Áki Sveinsson sviðsstjóri knattspyrnusviðs sagði meðal annars frá landsliðsstiganum og hvernig félögin geta hjálpað landsliðsþjálfurum í sinni vinnu t.d. með umgjörð leikja og samtali við landsliðsþjálfara.
Í hópavinnu þar sem rætt var hvað þarf að vera í fyrirhugaðri handbók fyrir starfsemi barna- og unglingaráða komu eftirfarandi punktar meðal annars fram:
- Að skilgreina þurfi starf Barna- og unglingaráða
- Viðbragðsáætlun eða leiðbeiningar um hvernig bregðast eigi við erfiðum málum sem upp koma í barna- og unglingastarfi.
- Listi yfir tengiliði vegna ýmissa mála innan KSÍ.
- Leiðbeiningar um mót og ferðalög.
- Leiðbeiningar um styrkleikaröðun á mótum yngri flokka.
- Leiðbeiningar varðandi tækni (Sportabler, Sideline, GPS o.fl.)
- Starfslýsingar fyrir foreldra/sjálfboðaliða.
- Foreldrafræðsla.
- Tillögur að vinnureglum varðandi t.d. fundahöld.
Hér má bæði lesa nánar um ráðstefnuna og nálgast upptöku og glærur frá ráðstefnunni.
