KSÍ auglýsir eftir þjálfara fyrir U15 karla og Hæfileikamótun drengja
KSÍ óskar eftir að ráða öflugan þjálfara til að hafa umsjón með hæfileikamótun drengja ásamt því að þjálfa U15 landslið drengja. Um er að ræða spennandi starf í góðu starfsumhverfi þar sem hægt er að hafa áhrif á þróun og framgöngu efnilegustu leikmanna Íslands.
Helstu verkefni:
U15 landslið karla
• Skipulag, undirbúningur og þjálfun á landsliðsæfingum og keppnisferðum á vegum KSÍ.
• Fylgjast með (scouting) á leikmönnum hérlendis/erlendis.
• Samskipti við yfirþjálfara/þjálfara þeirra félaga sem eiga leikmenn í yngri landsliðum karla.
• Vinna í gagnagrunni sem KSÍ notast við til að halda utan um leikmenn.
• Meta frammistöðu þeirra leikmanna sem tilnefndir eru í landsliðsverkefni yngri landsliða karla.
• Þátttaka í fræðslu og framkvæmd fyrirlestra á milli landsliðsæfinga og í verkefnum erlendis.
Hæfileikamótun karla
• Skipulag, framkvæmd og úrvinnsla á Hæfileikamótun KSÍ.
• Ábyrgð á æfingum og skipulagningu æfinga í samstarfi við félög í landinu.
• Meta frammistöðu þeirra leikmanna sem tilnefndir eru í Hæfileikamótun.
• Fylgjast sérstaklega með og meta hæfileikaríka leikmenn.
• Endurgjöf til félaga.
Menntunar- og hæfniskröfur:
• KSÍ A/UEFA A og KSÍ afreksþjálfun unglinga/UEFA Youth Elite A þjálfaragráður.
• Reynsla og þekking af þjálfun barna og unglinga.
• Góð færni æskileg í notkun á helstu forritum sem tengjast þjálfun. KSÍ notar í sinni vinnu Sideline, Wyscout, STATsport GPS, Spiideo, VEO og SoccerLab, HUDL ásamt Footovision leikgreiningu.
• Hæfni til framsetningar og greiningar á gögnum sem tengjast knattspyrnuþjálfun.
• Góð þekking á forritum Office/Microsoft og hvers kyns tölvuvinnslu.
• Góð samskiptafærni, skipulagsfærni, frumkvæði og nákvæmni í starfi.
• Gott vald íslensku og ensku (hæfni í einu Norðurlandamáli er einnig kostur).
Umsóknum ásamt sakavottorði skal skilað með tölvupósti til jorundur@ksi.is eigi síðar en 20. janúar 2023. Umsækjandi þarf að geta hafið störf 1. mars 2023. Allar nánari upplýsingar veitir Jörundur Áki Sveinsson, sviðsstjóri knattspyrnusviðs í síma 510-2900.
