.jpg?proc=1152)
Opið fyrir tilnefningar til Grasrótarverðlauna KSÍ
KSÍ veitir árlega grasrótarverðlaun og verður engin breyting þar á í ár. Verðlaunin eru þrískipt, grasrótareinstaklingur ársins, grasrótarfélag ársins og grasrótarverkefni ársins.
Ákveðið hefur verið að opna fyrir tilnefningar í þessum þremur flokkum þar sem fólki er velkomið að senda inn tilnefningu í einum eða fleiri flokkum. Allar tilnefningar verða skoðaðar og mun valnefnd sem skipuð verður af KSÍ velja sigurvegara.
Ef þú veist um einstakling, knattspyrnufélag eða verkefni sem gerði góða hluti í grasrótarstarfi árið 2022 þá hvetjum við þig til að senda inn tilnefningu með nafni einstaklings, félags eða verkefnis ásamt rökstuðningi á soley@ksi.is fyrir 1. febrúar 2023.
Eina skilyrðið er tenging við fótbolta.
Dæmi um fyrri verðlaunahafa
Múrbrjótar vegna verkefnisins „Fótbolti án fordóma“. Fótboltafélagið Múrbrjótar hefur það að markmiði að bjóða einstaklingum sem takast á við geðræn og félagsleg vandamál upp á fótboltaæfingar, auka þátttöku í hollri hreyfingu, efla samfélags- og félagsvitund og rjúfa einangrun fólks með því að hittast og spila fótbolta.
Kormákur/Hvöt vegna öflugs knattspyrnustarfs fyrir börn og fullorðna.
Margrét Brandsdóttir var grasrótarpersóna ársins 2021 fyrir brautryðjendastarf í þjálfun yngri flokka kvenna hjá FH.
Keflavík og Njarðvík hlutu verðlaun fyrir grasrótarverkefni ársins 2021 fyrir verkefnið „íþróttir fyrir börn með mismunandi stuðningsþarfir“.
Á myndinni er Margrét Brandsdóttir við viðtöku Grasrótarverðlauna KSÍ árið 2021 þar sem hún hlaut titilinn Grasrótarpersóna ársins.
.jpg?proc=760)
.jpg?proc=760)