Drög að niðurröðun leikja hafa verið birt
Mynd: Mummi Lú
Drög að niðurröðun leikja í eftirfarandi mótum hafa verið birt á vef KSÍ.
- Besta deild karla
- Besta deild kvenna
- Lengjudeild karla
- Lengjudeild kvenna
- Meistarakeppnir KSÍ
- Leikdagar í Mjólkurbikar karla og kvenna hafa einnig verið birtir.
Hér má sjá drög að niðurröðun: Öll mót - Knattspyrnusamband Íslands (ksi.is)
Mjólkurbikarinn
Ákveðið hefur verið að færa úrslitaleiki Mjólkurbikarsins framar, miðað við undanfarin ár. Báðir úrslitaleikirnir verða í ágúst.
Keppni í Mjólkurbikar karla hefst í lok mars og keppni í Mjólkurbikar kvenna hefst í lok apríl.
Besta deild karla
Besta deild karla hefst mánudaginn 10. apríl, þ.e. annan í páskum. Opnunarleikur mótsins verður Breiðablik – HK.
Besta deild kvenna
Besta deild kvenna hefst þriðjudaginn 25. apríl. Opnunarleikur mótsins verður Valur – Breiðablik.
Breytingar verða á fyrirkomulagi mótsins. Mótinu er skipt í tvo hluta með sama hætti og í Bestu deild karla. Í fyrri hluta mótsins er leikinn hefðbundin tvöföld umferð, heima og að heiman.
Í seinni hluta mótsins er mótinu skipt í tvo hluta. Í efri hlutanum leika efstu sex félögin einfalda umferð um sigur í mótinu og um tvö Evrópusæti.
Í neðri hlutanum leika félögin fjögur sem enduðu í sætum 7-10, einfalda umferð um að forðast fall.
Lengjudeildirnar
Keppni Lengjudeildanna hefst í byrjun maí. Breytingar hafa verið gerðar á keppni Lengjudeildar karla á þann hátt að félögin í sætum 2-5 fara í umspil um eitt laust sæti í Bestu deild karla að ári.
Önnur mót meistaraflokka
Niðurröðun leikja í 2., 3. og 4. deild karla er í vinnslu og verður birt fljótlega.
Vinna við niðurröðun leikja í 2. deild kvenna, 5. deild karla, Bikarkeppni neðri deilda og Utandeild karla hefst fljótlega á nýju ári þegar þátttaka liggur fyrir.
