Knattspyrnuþing 2023 - Upplýsingar og fjöldi þingfulltrúa

77. ársþing KSÍ verður haldið í Íþróttahúsinu á Torfnesi, Ísafirði 25. febrúar 2023.

Sambandsaðilar eru beðnir um að kynna sér eftirfarandi:

1. Skuldir

Aðilar sem vanrækja uppgjör á gjöldum sem greiða skal til KSÍ missa rétt til þingsetu, sbr. gr. 9.6. í lögum KSÍ. Þeim félögum, sem eru í skuld við KSÍ, er bent á að hafa tafarlaust samband við Bryndísi Einarsdóttur, fjármálastjóra KSÍ (bryndis@ksi.is).

2. Tillögur og málefni

Tillögur þær er sambandsaðilar óska eftir að verði teknar fyrir á þingi skulu berast stjórn KSÍ minnst mánuði fyrir þing eða í síðasta lagi miðvikudaginn 25. janúar nk. Haukur Hinriksson lögfræðingur á skrifstofu KSÍ (haukur@ksi.is) tekur við tillögum og veitir aðstoð við uppsetningu þeirra sé þess óskað. Í samræmi við grein 10.1. í lögum KSÍ munu tillögur, sem berast fyrir þingið, vera yfirfarnar af laga- og leikreglnanefnd KSÍ en nefndinni ber að kanna hvort tillögurnar samræmist lagaákvæðum og skuldbindingum KSÍ.

3. Gisting

Ýmsir gistimöguleikar eru á Ísafirði og næsta nágrenni. Hér að neðan eru nokkrir möguleikar.

• Hótel Ísafjörður, Hótel Horn og Gamla gistiheimilið á Ísafirði (lobby@hotelisafjordur.is)
• Holt Inn í Önundarfirði (https://holtinn.is/book-now/)
• Fisherman á Suðureyri (tereza@fisherman.is)

• Einnig önnur gisting, m.a. á Ísafirði, Flateyri, Suðureyri og í Bolungarvík.

Vísið endilega til þess þegar er bókað að það sé gert í tengslum við ársþing KSÍ

4. Dagskrá

Þingið verður sett kl. 11:00, laugardaginn 25. febrúar og er gert ráð fyrir að því ljúki um kl. 17:00 sama dag. KSÍ býður þingfulltrúum til sameiginlegs kvöldverðar eftir ársþingið. Nákvæm dagskrá verður send sambandsaðilum síðar.

5. Fjöldi fulltrúa

Hjálagður er listi yfir fjölda þingfulltrúa. Sambandsaðilar eru beðnir um að fara yfir listann og gera athugasemdir ef þörf krefur.

Nánari upplýsingar um þingið og tillögur verða sendar til sambandsaðila í janúar.

• Ársþing