mán. 31. okt. 2022
Fræðsla

UEFA nám sérsniðið að fólki sem hefur leikið knattspyrnu á hæsta þrepi

Knattspyrnusamband Evrópu (UEFA) býður upp á nám sem er sérstaklega ætlað fólki sem hefur leikið knattspyrnu á hæsta þrepi - með landsliði og/eða í atvinnumennsku - og lagt skóna á hilluna, fólki sem vilja halda áfram að starfa í knattspyrnuhreyfingunni að leikmannsferlinum loknum.

Námið kallast „UEFA Executive Master for International Players (UEFA MIP)“ og starfa í dag yfir 80% þeirra sem hafa lokið þessu námi hjá knattspyrnusamböndum, knattspyrnufélögum eða samtökum tengdum knattspyrnu.

UEFA MIP er skipulagt í samstarfi UEFA Academy og ýmissa menntastofnana, með aðkomu FIFPRO (International Federation of Professional Footballers) og ECA (European Club Association). Um er að ræða átta vikulangar vinnulotur yfir 20 mánaða tímabil (allar loturnar fara fram á ensku) og náminu lýkur með lokaprófi. Í hverri vinnulotu er fjallað ítarlega um mismunandi þætti í skipulagi og stjórnun í starfsumhverfi knattspyrnunnar. Sex lotur fara fram í evrópskum borgum, ein lota fer fram í Bandaríkjunum, og að þessu sinni fer ein lota fram í Suður-Ameríku.

Næsta útgáfa UEFA MIP námsins hefst í október 2023 og lýkur í júní 2025. Umsóknum þarf að skila í gegnum umsóknarform á vefsíðu námsins eigi síðar en 31. maí 2023 (ferilskrá, kynningarbréf og meðmæli).

Nánar um námið á vef UEFA (upplýsingar, umsóknir, o.fl.)