Lokaumferð í Bestu-deild kvenna fer fram á laugardag
Mynd - Mummi Lú
Besta-deild kvenna klárast á laugardag þegar síðasta umferðin fer fram. Allir fimm leikirnir hefjast klukkan 14:00.
Valur hefur þegar tryggt sér Íslandsmeistaratitilinn og því ljóst að skjöldurinn, nýr verðlaunagripur Bestu-deildar kvenna, fer á loft á Origo-vellinum á morgun.
Úrslit á botni deildarinnar eru einnig ráðin. KR og Afturelding eru fallin og spila því í Lengjudeildinni að ári.
Baráttan um 2. sætið, sem gefur Evrópusæti, er á milli Breiðabliks og Stjörnunnar, Stjarnan er sem stendur í 2. sæti, með einu stigi meira en Breiðablik.
Leikir lokaumferðar í Bestu-deild kvenna.
Stjarnan - Keflavík
ÍBV - Afturelding
Valur - Selfoss
KR - Þór/KA
Breiðablik - Þróttur R.
