Sigur hjá U15 karla gegn Færeyjum
U15 karla vann frábæran 4-0 sigur gegn Færeyjum í fyrri af tveimur vináttuleikjum liðsins gegn Færeyjum.
Leikurinn fór fram á Svangaskarði í Færeyjum og var Ísland mun betri aðilinn í leiknum. Thomas Ari Arnarsson kom Íslandi yfir á 9. mínútu og Gils Gíslason tvöfaldaði svo forystuna á 24. mínútu, en Ísland var 2-0 yfir í hálfleik. Gils skoraði svo annað mark sitt í leiknum á 62. mínútu áður en Gabríel Snær Hallsson skoraði síðasta mark leiksins á 78. mínútu. Flottur sigur og mjög góð frammistaða hjá liðinu.
Liðin mætast aftur á fimmtudag og hefst sá leikur kl. 16:30 og fer fram á Tórsvelli.
