Ítalía í Manchester á fimmtudag
A landslið kvenna mætir Ítalíu í öðrum leik sínum á EM 2022 á fimmtudag og fer leikurinn fram á sama leikvangi og fyrsti leikur íslenska liðsins, Manchester City Academy Stadium í Manchester. Ísland er með eitt stig eftir leikinn við Belgíu en Ítalía er án stiga eftir 5-1 tap gegn Frakklandi, sem situr á toppi riðilsins.
Ísland og Ítalía hafa sjö sinnum áður mæst í A landsliðum kvenna - Ísland hefur unnið einn leik, Ítalía hefur unnið þrjá og þremur leikjum hefur lokið með jafntefli. Liðin mættust síðast í tveimur vináttuleikjum í apríl í fyrra.
Leikurinn við Ítalíu á fimmtudag hefst kl. 16:00 að íslenskum tíma og er í beinni útsendingu á RÚV. Einnig verður hægt að fylgjast með gangi mála á miðlum KSÍ (@footballiceland). Sama dag kl. 19:00 mætast Frakkland og Belgía á New York Stadium í Rotherham.
.JPG?proc=760)
.jpg?proc=760)