Dregið í forkeppni Meistaradeildarinnar í Futsal
Dregið var í riðla í forkeppni Meistaradeildar UEFA í Futsal (karlar) í vikunni og var Ísbjörninn í pottinum. Í forkeppninni er leikið í átta riðlum og fara leikirnir fram dagana 23.-28. ágúst. Ísbjörninn leikur í A-riðli ásamt Kampuksen Dynamo frá Finnlandi, KMF Titograd frá Svartfjallalandi og Encamp frá Andorra. Riðillinn fer fram í Svartfjallalandi.
Ísbjörninn er ríkjandi Íslandsmeistari karla í Futsal, en Íslandsmótið fór fram í byrjun árs.
