U23 kvenna mætir Eistlandi í dag
U23 landslið kvenna mætir A landsliði Eistlands í vináttuleik í dag, föstudag, og hefst hann kl. 16:00 að íslenskum tíma. Leikurinn, sem fer fram Pärnu Rannastaddion, er í beinni útsendingu á KSÍ TV. Þorsteinn H. Halldórsson og Jörundur Áki Sveinsson völdu hópinn fyrir leikinn og Jörundur Áki mun stjórna íslenska liðinu. Eistland mun tefla fram A landsliði í leiknum, sem verður skráður sem A-landsleikur.
U23 landslið kvenna hefur einu sinni áður mætt A landsliði, en það var árið 2016 þegar íslenska liðið mætti pólska A landsliðinu og gerðu liðin 1-1 jafntefli (einnig skráður A landsleikur). Þess utan hefur liðið leikið tvo U23 leiki, gegn Skotlandi ytra árið 2012 og gegn Póllandi í Kórnum í febrúar 2015.
.jpg?proc=760)
