Aðsóknarmet í fyrstu viku Mola
Siguróli Kristjánsson, eða Moli eins og hann er kallaður, er farinn af stað um landið fjórða sumarið í röð að heimsækja minni sveitarfélög.
Öll börn eru velkomin á æfingar hjá Mola þar sem þau fá verkefni við hæfi og skemmtilegan fróðleik frá Mola sem hefur margra ára reynslu úr heimi fótboltans.
Í vikunni heimsótti Moli Reykholt, Brautarholt og Hvolsvöll þar sem aðsóknarmet var slegið þegar um 70 börn mættu.
Í næstu viku hefst ferðalag Mola um Vestfirði. Þá fer hann á Súðavík, Ísafjörð, Bolungarvík, Flateyri, Þingeyri, Suðureyri, Patreksfjörð, Tálknafjörð og Bíldudal.
Á myndinni má sjá þátttakendur á Hvolsvelli.
.jpg?proc=760)
