Komdu í fótbolta með Mola fer aftur af stað
Verkefnið „Komdu í fótbolta með Mola“ fer aftur af stað í næstu viku. Er þetta fjórða sumarið í röð sem Siguróli Kristjánsson, oftast kallaður Moli, heimsækir minni sveitarfélög í samstarfi við Landsbankann.
Markmiðið með heimsóknunum er að kynna fótbolta og heilbrigðan lífsstíl fyrir krökkum í hverfinu.
Moli ætlar að hefja ferðalagið á Suðurlandi.
Dagskrá Mola í vikunni 6.-10. júní
7. júní kl. 15:00 - Reykholt
8. júní kl. 10:00 - Hvolsvöllur
9. júní kl. 15:00 - Brautarholt
