U16 kvenna - tap gegn Austurríki í lokaleik
U16 kvenna tapaði 2-3 gegn Austurríki í síðasta leik sínum á UEFA Development Tournament.
Sigdís Eva Bárðardóttir skoraði fyrsta mark leiksins á 16. mínútu og leiddi Ísland 1-0 í hálfleik. Austurríki skoruðu næstu tvö mörk leiksins, á 62. og 73. mínútu, áður en Bergdís Sveinsdóttir jafnaði leikinn með stórglæsilegu skoti af löngu færi sem fór í slánna og inn. Austurríki tryggði sér svo sigurinn á 89. mínútu.
Ísland hafði áður tapað gegn Portúgal og Spáni á mótinu, en Spánn endaði í efsta sæti með fullt hús stiga.
