Málþing - Aukin þátttaka barna og ungmenna af erlendum uppruna í íþróttum
Íþrótta- og ólympíusamband Ísland ásamt Ungmennafélagi Íslands standa fyrir málþinginu Aukin þátttaka barna- og ungmenna af erlendum uppruna í íþróttum þann 25. maí á Hótel Nordica. Málþingið stendur frá 9:00-12:00.
Starfsfólk, stjórnendur og sjálfboðaliðar íþróttahreyfingarinnar sem og starfsfólk sveitarfélaga er sérstaklega boðið velkomið.
Áhugaverð og gagnleg erindi eru á dagskránni og fá gestir að heyra frá því hvernig forsvarsfólk nokkurra íþróttafélaga hefur náð betur en áður til barna og ungmenna af erlendum uppruna og fjölgað þeim í skipulögðu íþróttastarfi. Gaman og gagnlegt verður fyrir alla að heyra hugmyndir ráðstefnugesta sem geta bætt leiðirnar og gert gott starf enn betra.
Aðgangur er ókeypis og léttar veitingar í boði. Viðburðinum verður jafnframt streymt á Facebook.
Mikilvægt er að þátttakendur skrái sig því takmarkað pláss er í boði.
Skráning fer fram hér: Málþing um aukna þátttöku fólks af erlendum uppruna í skipulögðu íþróttastarfi. (google.com)
Dagskrá málþingsins er eftirfarandi:
Kl. 09:00 Dagskrá hefst
-Hver er þátttaka barna af erlendum uppruna í dag? - Margrét Lilja Guðmundsdóttir, sérfræðingur hjá R&G.
-Samtal og samvinna – Mikilvægi þess að taka samtalið við börn, unglinga og fullorðna um þeirra viðfangsefni og virkni - Jóhannes Guðlaugsson, verkefnastjóri.
Kl. 10:00 Kaffihlé
-Allir með í Reykjanesbæ - Hilma Hólmfríður Sigurðardóttir, verkefnastjóri fjölmenningarmála.
-Örfrásagnir af fjórum ólíkum verkefnum - Ragnar Sverrisson, Dagný Finnbjörnsdóttir, Kristín Þórðardóttir og Sarah Smiley.
-Fjölmenningarverkfærakista Æskulýðsvettvangsins - Sema Erla Serdar, framkvæmdastýra ÆV.
-Samantekt, hvaða verkfærum kallar íþróttahreyfingin eftir?
Kl. 12:00 Dagskrárlok
.jpg?proc=760){kind=logo}
