Mótin 2022 - Staðfest leikjadagskrá yngri flokka
Mótanefnd KSÍ hefur staðfest niðurröðun leikja sumarsins í yngri aldursflokkum og er hægt að skoða mótin og niðurröðun leikja á vef KSÍ. Félög og aðrir áhugasamir aðilar eru beðnir um að hafa í huga að verulega miklar breytingar hafa verið gerðar undanfarna daga á niðurröðun leikja í sumum mótum vegna breyttra skráninga. Mikilvægt er að forráðamenn félaga sjái til þess að öll eldri drög leikja verði tekin úr umferð til þess að forðast óþarfa misskilning.
Ákvörðun mótanefndar um breytingar leikja
Óheimilt er (nema í sérstökum neyðartilfellum) að fresta leikjum yngri flokka sem eru á dagskrá í maí, júní og júlí, aftur fyrir 1. ágúst. Félög eru vinsamlegast beðin um að kynna þessa ákvörðun meðal sinna þjálfara. Minnt er á að leikjum er að öllu jöfnu ekki breytt nema fyrir liggi staðfesting beggja félaga og jafnframt er bent á að óskir um breytingar leikja eru nú gerðar á innri vef KSÍ, skv. upplýsingum sem þegar hafa verið sendar til félaga.
.jpg?proc=760)
