U17 kvenna - Ísland mætir Írlandi á þriðjudag
U17 ára landslið kvenna mætir Írlandi á þriðjudag í síðasta leik sínum í milliriðlum undankeppni EM 2022.
Leikurinn fer fram á Tallaght Stadium og hefst hann kl. 11:00 að íslenskum tíma. Bein útsending verður frá honum á RTÉ á Írlandi og verður hægt að sjá hann á heimasíðu RTÉ.
Ísland og Finnland eru jöfn í efsta sæti riðilsins með fjögur stig, Írland og Slóvakía eru bæði með eitt stig. Finnland og Slóvakía mætast á sama tíma og Ísland og Írland keppa. Aðeins eitt lið fer áfram úr riðlinum í lokakeppnina og gæti svo farið að markatala liðanna muni útkljá hvaða lið það verður.
.jpg?proc=760)
