KSÍ 75 ára í dag
Knattspyrnusamband Íslands var stofnað þann 26. mars árið 1947 og fagnar KSÍ því 75 ára afmæli sínu í dag. Fjórtán félög og íþróttabandalög stofnuðu KSÍ 26. mars 1947 og var Agnar Klemens Jónsson fyrsti formaður KSÍ.
Í bókinni "Knattspyrna í heila öld" eftir Víði SIgurðsson og Sigurð A. Friðþjófsson, sem gefin var út í tilefni af 50 ára afmæli KSÍ árið 1997 er þannig sagt frá stofnun KSÍ:
,,Stofnfundurinn var haldinn við Vonarstræti í Reykjavík. Fimmtán fulltrúar frá tólf félögum mættu á fundinn; Fram, KR, Víkingi og Val úr Reykjavík, Haukum og FH úr Hafnarfirði, Kára og KA frá Akranesi, Þór og KA frá Akureyri og Þór og Tý frá Vestmannaeyjum. Auk þess óskuðu Íþróttabandalag Ísafjarðar og Íþróttabandalag Siglufjarðar eftir því að taka þátt í stofnun KSÍ, en þau gátu ekki sent fulltrúa á fundinn. Alls voru því félög og íþróttabandalög sem áttu aðild að KSÍ frá byrjun 14 talsins."
.jpg?proc=760)
