U21 karla - 1-1 jafntefli gegn Portúgal
U21 karla gerði 1-1 jafntefli við Portúgal, en leikið var í Portimao í Portúgal.
Leikurinn var liður í undankeppni EM 2023 og er Ísland eftir leikinn með átta stig eftir sex leiki. Næsti leikur liðsins er gegn Kýpur þriðjudaginn 29. mars og fer hann fram á Ethnikos Achnas kl. 13:00 að íslenskum tíma.
Það var Brynjólfur Anderson Willumsson sem kom Íslandi yfir á 17. mínútu en heimamenn jöfnuðu þegar um tíu mínútur voru eftir af fyrri hálfleik. Bæði lið sköpuðu sér færi og hefðu getað skorað fleiri mörk, en jafntefli varð niðurstaðan.
