Þriggja marka sigur í Liechtenstein
U21 landslið karla vann þriggja marka sigur á Liechtenstein í undankeppni EM, en liðin mættust í Eschen í dag, föstudag. Sigur íslenska liðsins var öruggur og öll mörkin þrjú komu í fyrri hálfleik.
Kristian Nökkvi Hlynsson skoraði fyrsta markið á 14. mínútu eftir sendingu frá Hákoni Arnari Haraldssyni. Íslenska liðið bætti svo við tveimur mörkum með stuttu millibili. Fyrst skoraði Ágúst Hlynsson á 25. mínútu með flottu skoti eftir góða sendingu frá bróður sínum Kristian, og fyrirliðinn Brynjólfur Andersen Willumsson setti svo þriðja og síðasta markið á 31. mínútu eftir sendingu frá Hákoni. Meira var ekki skorað í leiknum en íslenska liðið hafði mikla yfriburði allan tímann.
Ísland er með 7 stig í 4. sæti eftir fjóra leiki í riðlinum og mætir Grikklandi í næstu umferð, í Grikklandi á þriðjudaginn kemur. Grikkir unnu Hvíta-Rússland 2-0 í dag og eru sem stendur taplausir eftir fimm leiki í öðru sæti riðilsins með 11 stig. Portugalir eru efstir með fullt hús stiga eftir fjóra leiki.
