.jpg?proc=1152)
Reglur KSÍ um sóttvarnir (uppfærðar 10. nóvember)
KSÍ gaf út reglur um sóttvarnir á síðasta ári og hafa þær verið uppfærðar reglulega þegar við á. Uppfærðar reglur voru samþykktar og útgefnar 10. nóvember 2021 og sem fyrr er markmið reglnanna að tryggja að umgjörð leikja og æfinga í knattspyrnu verði með þeim hætti að hægt sé að halda áfram að leika knattspyrnu á Íslandi þrátt fyrir að COVID-19 sé enn við lýði í íslensku samfélagi. Reglur KSÍ eru aðgengilegar á vef KSÍ undir "Mót" eða í gegnum hlekk/hnapp á forsíðu vefs KSÍ.
Smellið á hlekkinn hér að neðan til að skoða nánar. Vakin er athygli á því að reglurnar (útgefnar 10. nóvember) hafa verið aðlagaðar að sniðmáti ÍSÍ.
Reglur KSÍ um sóttvarnir
Hér að neðan má sjá helstu reglur er snerta íþróttahreyfinguna.
Æfingar og keppnir:
• Almennar fjöldatakmarkanir fara úr 2.000 í 500 manns og heimilt verður að hafa allt að 500 manns á æfingum og í keppnum.
• Sem fyrr skal sótthreinsa áhöld og aðra sameiginlega snertifleti milli hópa.
• Engin blöndun má vera milli hópa ef skipt er upp í hólf vegna fjöldatakmarkana.
• Börn fædd 2006 og fyrr eru undanþegin grímuskyldu, fjölda- og nálægðartakmörkunum.
Áhorfendasvæðin:
• Heimilt verður að hafa allt að 500 manns í hólfi í áhorfendasvæðum en allt að 1500 manns í hólfi þar sem krafist verður hraðprófa (sem má ekki vera eldra en 48 klst.).
• Skráningarskylda verður tekin upp á ný og skylt að skrá áhorfendur með nafni, símanúmeri og kennitölu, hvort sem hraðpróf eru notuð eða ekki.
• Grímuskylda gildir í áhorfendasvæðum hvort sem hraðpróf eru notuð eða ekki.
• Almennt er 1 metra regla í gildi í samfélaginu en þrátt fyrir það verður heimilt að sitja í hverju sæti í áhorfendasvæðum, að því gefnu að önnur skilyrði séu uppfyllt (grímuskylda og skráningarskylda).
• Börn fædd 2006 og fyrr eru undanþegin grímuskyldu, fjölda- og nálægðartakmörkunum.
.jpg?proc=760)
