• þri. 09. nóv. 2021
  • A kvenna
  • Landslið
  • EM 2022

Síðasti séns að tryggja sér DOTTIR miða

Úrslitakeppni EM A landsliða kvenna fer fram á Englandi sumarið 2022 og eins og kunnugt er verður Ísland á meðal þátttökuþjóða. Þetta er í fjórða sinn í röð sem íslenska liðið kemst í úrslitakeppni EM (Finnland 2009, Svíþjóð 2013, Holland 2017, England 2022). Miðasala á keppnina í Englandi er í fullum gangi og fer hún fram í gegnum miðasöluvef UEFA.

Allt um EM 2022 á vef UEFA

Síðasti séns til að tryggja sér DOTTIR miðar á leikinn við Frakka

Miðasala í stuðningsmannahólf þátttökuliðanna hófst föstudaginn 29. október og stendur til 11. nóvember. Þar fá stuðningsmenn Íslands tækifæri til að kaupa svokallaða DOTTIR miða - í stuðningsmannahólf íslenska liðsins. DOTTIR miðar á fyrstu tvo leikina - gegn Belgíu og Ítalíu í Manchester - eru uppseldir. Enn eru til DOTTIR miðar á þriðja leikinn - við Frakka í Rotherham - og hér að neðan má sjá leiðbeiningar um hvernig slíkir miðar eru keyptir. Fyrsta skrefið er að búa til notendaaðgang að miðasöluvef UEFA - fylgið síðan leiðbeiningunum hér að neðan.

Kaupa DOTTIR miða á Ísland-Frakkland

  • Smellið á þennan hlekk til að hefja ferlið.
  • Næsta síða: Smellið á notandanafnið ykkar efst hægra megin á síðunni (ekki slá inn kóða á þessari síðu, heldur á þeirri næstu).
  • Næsta síða: Sláið inn kóðann DOTTIR í svæðið "Access code" niðri hægra megin á síðunni.
  • Næsta síða: Á þessari síðu kaupið þið DOTTIR miða á leikinn.

Hægt að sækja um miða á alla leiki

Almenn miðasala á alla leiki opnaði að kvöldi 28. október þar sem hægt er að sækja um miða á hvaða leik sem er í keppninni (Ballot application window) og er sá gluggi opinn til 16. nóvember. Öll miðasala á keppnina fer í gegnum UEFA og á vef UEFA er að finna svör við algengum spurningum.

Áfram Ísland!