Félagaskiptatímabil 2022
Á fundi stjórnar KSÍ þann 26. október sl. voru samþykkt, í samræmi við ákvæði 10.1.2 í reglugerð KSÍ um félagaskipti, samninga og stöðu leikmanna og félaga, þau tvö tímabil innan keppnistímabilsins 2022 þar sem félagaskipti leikmanna á milli félaga eru heimil.
Samþykkt hefur verið að á árinu 2022 verði félagaskipti heimil frá 17. febrúar til 11. maí annars vegar og 29. júní til 26. júlí hins vegar. Þessi ákvörðun hefur verið kynnt aðildarfélögum KSÍ með dreifibréfi nr. 9/2021. Í dreifibréfinu er m.a. fjallað um ákvörðunina, og um tímabundin félagaskipti og félagaskipti ósamningsbundinna leikmanna yngri flokka.
