Leikmenn ársins í Pepsi Max deild kvenna
Mynd - fotbolti.net - Hafliði Breiðfjörð
Tilkynnt hefur verið hvaða leikmenn voru kosnir bestir og efnilegastir í Pepsi Max deild kvenna af leikmönnum deildarinnar.
Verðlaunaafhendingin fór fram í Pepsi Max Stúkunni á Stöð 2 Sport.
Leikmaður ársins
Agla María Albertsdóttir, Breiðablik, var valin leikmaður ársins. Hún lék alla 18 leiki liðsins í deildinni og allar þær mínútur sem leiknar voru. Í þessum 18 leikjum skoraði hún 12 mörk.
Efnilegasti leikmaður ársins
Ólöf Sigríður Kristinsdóttir, Þrótti R., var valin efnilegasti leikmaður deildarinnar. Ólöf Sigríður lék 15 leiki og skoraði í þeim 8 mörk, en Þróttur R. átti frábært tímabil og endaði í 3. sæti deildarinnar ásamt því að vera komið í úrslitaleik Mjólkurbikars kvenna.
Dómari ársins
Arnar Ingi Ingvarsson var valinn dómari ársins í Pepsi Max deild kvenna.
