Bikarúrslitaráðstefna KÞÍ og KSÍ 2021
Föstudaginn 1. október munu Knattspyrnuþjálfarafélag Íslands og Knattspyrnusamband Íslands standa fyrir ráðstefnu í tengslum við úrslitaleik Mjólkurbikars kvenna, sem fram fer sama dag. Breiðablik og Þróttur R. leika til úrslita.
Ráðstefnan fer fram á 3. hæð í höfuðstöðvum KSÍ á Laugardalsvelli og hefst kl. 16.00 og dagskrá má finna hér að neðan.
Dagskrá
Hingað til lands kemur Stefan Alvén, en hann er íþróttastjóri Elitfotboll Dam (EFD) í Svíþjóð. EFD virkar sem eins konar gæða eftirlitskerfi í kringum knattspyrnu kvenna í Svíþjóð og starf Stefan hjá EFD snýst um að meta og hafa eftirlit með starfsemi félaga, m.a. þá þætti er snúa að þjálfun og þróun efnilegra stúlkna og aðstoða félögin í að bæta umhverfið í kringum knattspyrnu kvenna þar í landi.
Erindi Stefan Alvén höfðar ekki síst til þeirra aðila sem koma að skipulagi og stjórnun kvennaboltans í félögum og hvetjum við starfsmenn og fulltrúa í barna- og unglingaráðum félaga eindregið til að skrá sig. Ásamt auðvitað þjálfurum.
Þá verður einnig fjallað ítarlega um þau lið sem leika til úrslita, Breiðablik og Þróttur R.
Opið er fyrir skráningu og hægt er að skrá sig hér: https://forms.gle/xMcG4JfJQRmMRAvB7
Frítt er á ráðstefnuna fyrir félagsmenn í KÞÍ. 3.000 kr. kostar fyrir aðra ráðstefnugesti.
Þjálfarar sem sækja ráðstefnuna fá 4 tíma í endurmenntun á sinni UEFA þjálfaragráðu.
.jpg?proc=760){kind=logo}
