KSÍ þjálfaranámskeið næsta vetur
KSÍ er aðili að Þjálfarasáttmála UEFA og vegna skilyrða í sáttmálanum hefur verið ákveðið að breyta áður auglýstri dagskrá á námskeiðahaldi fyrir komandi vetur.
Dagsetningar næsta vetrar má finna á vef KSÍ.
Fyrstu námskeiðin þetta haustið eru á KSÍ A og KSÍ B þjálfaragráðunum. KSÍ B 1 námskeiðið er opið þeim sem eru með 2. stigs þjálfararéttindi, þ.e. klárað hafa KSÍ I og KSÍ II þjálfaranámskeið. Einnig geta leikmenn sem eiga 10 A-landsleiki eða fleiri sótt um að fá KSÍ C þjálfaragráðuna metna og geta hafið nám á KSÍ B þjálfaragráðunni.
KSÍ I og KSÍ II námskeiðin verða að KSÍ C þjálfaragráðu (UEFA C þjálfaragráðu) og hefst hún í janúar 2022.
Ef það eru einhverjar spurningar sem vakna geta áhugasamir haft samband við fræðsludeild KSÍ.
.jpg?proc=760){kind=logo}
