Nýtt merki landsliða Íslands tilnefnt til European Design Awards
Nýtt merki landsliða Íslands fékk nýlega tilnefningu til European Design Awards og er það mikill heiður fyrir knattspyrnusambandið sem og hönnunarteymi Brandenburg.
Áður hefur merkið unnið til verðlauna bæði innanlands og erlendis. Verkefnið hefur fengið hin virtu Clio verðlaun og tilnefningu til Epica verðlaunanna og til alþjóðlega hönnunarverðlaunanna The One Show, en þau síðastnefndu eru meðal virtustu auglýsinga- og hönnunarverðlauna í heimi. Þá fékk verkefnið nýverið Lúðurinn í flokki mörkunar þegar markaðsverðlaun ÍMARK voru veitt.
Hægt er að lesa sér til um merki landsliða Íslands á vef KSÍ.