Úrskurður vegna atviks í leik Víkings R. og Fylkis í 3. flokki karla
Á fundi Aga- og úrskurðarnefndar KSÍ 25. mars 2021, var tekið fyrir erindi sem framkvæmdastjóri KSÍ sendi til nefndarinnar með vísan til greinar 19.2. í lögum KSÍ og 6. greinar reglugerðar KSÍ um aga- og úrskurðarmál. Erindið varðaði atvik er átti sér stað í leik Víkings R. og Fylkis í 3. flokki karla þann 7. mars 2021.
Að teknu tilliti til fyrirliggjandi gagna ákvað nefndin í ljósi alvarleika brots að úrskurða Viktor Mána Edwardsson, leikmann Fylkis, í tveggja leikja bann vegna atviksins í framangreindum leik, samkvæmt ákvæði 13.1.4. sömu reglugerðar.
