.jpg?proc=1152)
U19 kvenna í riðli með Serbíu, Svíþjóð og Frakklandi í undankeppni EM 2021/22
Dregið hefur verið í undankeppni EM 2021/22 hjá U19 kvenna og er Ísland í riðli með Serbíu, Svíþjóð og Frakklandi.
Fyrirkomulagi keppninnar hefur verið breytt og er leikið með sama fyrirkomulagi og í Þjóðadeild UEFA. Tvær deildir eru í keppninni og er Ísland í A deild. Undankeppnin er eins og áður í tveimur hlutum, en það lið sem endar í neðsta sæti síns riðils í A deild fellur niður í B deild fyrir næsta hluta undankeppninnar. Þau sex lið sem vinna sína riðla í B deild komast upp í stað þeirra ásamt því liði í þeirri deild sem er með bestan árangur í öðru sæti.
Riðlarnir verða leiknir dagana 14.-21. september eða 19.-26. október og verður fljótlega tilkynnt hvar riðill Íslands fer fram.
Þær sjö þjóðir sem vinna sína riðla í A deild í öðrum hluta undankeppninnar vinna sér inn sæti í lokakeppni EM 2022, en hún verður haldin í Tékklandi 27. júní - 9. júlí það ár.
Hægt er að lesa frekar um fyrirkomulagið á vef UEFA hér að neðan.
.jpg?proc=760)
.jpg?proc=760)