Prúðustu liðin 2020
Drago-stytturnar eru veittar háttvísustu liðunum í tveimur efstu deildum karla og eru stytturnar, ásamt háttvísiverðlaunum í öðrum deildum, allajafna afhentar á ársþingi KSÍ, en annar háttur verður hafður á að þessu sinni.
KA hlýtur Drago-styttuna fyrir árið 2020 í Pepsi Max deild karla á grundvelli háttvísimats eftirlitsmanna KSÍ, en gul og rauð spjöld vega þungt í því mati. Leiknir R. hlýtur styttuna í Lengjudeild karla á grundvelli fjölda gulra og rauðra spjalda.
Breiðablik var prúðasta liðið í Pepsi Max deild kvenna síðastliðið keppnistímabil, Fjölnir var prúðasta liðið í Lengjudeild kvenna og Sindri í 2. deild kvenna. Í 2. deild karla voru ÍR-ingar með prúðasta liðið, Reynir S. í 3. deild karla og Berserkir í 4. deild karla.
