Fyrirlestrarröð um fjármál í fótboltanum
Fræðsludeild KSÍ í samstarfi við Þóri Hákonarson, fyrrv.framkvæmdastjóra KSÍ, og Björn Berg, deildarstjóra Greiningar Íslandsbanka, stendur nú fyrir fyrirlestrarröð um fjármál í fótbolta.
Nálgast má frekari upplýsingar um fyrirkomulagið og efnistök hér á vef KSÍ.
Fyrsti fyrirlesturinn var haldinn s.l. fimmtudag og mæltist vel fyrir en vegna umfangs efnis og uppsetningar á fyrirlestrunum henta þeir illa í fjarfundabúnaði. Fræðsludeild vill því kanna áhuga á því að fá fyrirlestrana norður í land, á Akureyri, og yrði þeim þá skipt upp í 4 fyrirlestra á tveimur helgum í mars og apríl og væri þá fyrirkomulag eftirfarandi:
Laugardagur 27. mars kl 10-14 með hléi - Alþjóðastofnanir, regluverk og mótahald FIFA og UEFA – Fjárhagslegt umhverfi félaganna, financial fair play, uppeldisbætur/samstöðubætur
Sunnudagur 28.mars kl 10-14 með hléi - Rekstrarmódel knattspyrnufélaga, kostun, eignarhald – Sjónvarps – og markaðsréttindi, mismunandi útgáfur og nálgun deild í Evrópu
Laugardagur 10.apríl kl 10-14 með hléi - Veðmálastarfsemi, umfang, viðmálasvind, hagræðing úrslita – Velta og rekstur knattspyrnusambanda og félaga í Evrópu og Íslandi
Sunnudagur 11.apríl kl 10-12 með hléi - Samantekt
Allir fyrirlestrar eru með tilvísun til okkar umhverfis á Íslandi og tekin raunveruleg dæmi.
Gjald fyrir alla fyrirlestrana er kr. 10.000.
Þátttaka á námskeiðinu gefur þjálfurum með KSÍ A/UEFA A eða KSÍ B/UEFA B þjálfararéttindi 10 endurmenntunarstig.
Skráning á fyrirlestrana
.jpg?proc=760){kind=logo}
