Valur Reykjavíkurmeistari í meistaraflokki karla og kvenna
Mynd - fotbolti.net - Hafliði Breiðfjörð
Valsmenn eru Reykjavíkurmeistarar í bæði meistaraflokki karla og kvenna, en Valur mætti Fylki í úrslitaleik í báðum flokkum.
Úrslitaleikurinn í kvennaflokki fór fram á fimmtudag á Origo vellinum og vann Valur þar 2-0 sigur. Diljá Ýr Zomers og Elín Metta Jensen skoruðu mörk Vals í síðari hálfleik. Fyrir ári síðan var það Fylkir sem urðu meistarar, en Valur endaði þá í öðru sæti.
Á laugardag fór svo fram úrslitaleikurinn í karlaflokki, en hann var leikinn á Würth vellinum. Patrick Pedersen kom Val í 1-0 í upphafi síðari hálfleiks, en aðeins tveimur mínútum síðar jafnaði Orri Sveinn Stefánsson metin fyrir Fylki. Ekki voru fleiri mörk skoruð í venjulegum leiktíma og þurfti því að grípa til vítakeppni. Þar reyndust Valsmenn hlutskarpari og unnu 5-4.
Til hamingju Valur!
.png?proc=760){kind=logo}
