Úrslitaleikir Reykjavíkurmóts meistaraflokka á laugardag og sunnudag
Mynd - fotbolti.net - Hafliði Breiðfjörð
Mótanefnd KRR hefur ákveðið hvenær úrslitaleikir karla og kvenna í Reykjavíkurmóti meistaraflokka fara fram.
Meistaraflokkur karla
Fylkir og Valur mætast í úrslitaleiknum karlamegin og fer hann fram laugardaginn 6. febrúar á Würth vellinum í Árbæ. Hefst hann kl. 15:00.
KR er handhafi bikarsins eftir 2-0 sigur á Val í úrslitaleiknum fyrir ári síðan.
Meistaraflokkur kvenna
Fylkir og Valur mætast einnig í úrslitaleiknum kvennamegin og fer hann líka fram á Würth vellinum. Hann verður leikinn sunnudaginn 7. febrúar og hefst hann kl. 17:00.
Fylkir eru ríkjandi Reykjavíkurmeistarar, en Valur varð í öðru sæti í fyrra.
Athygli er vakin á því að ef jafnt verður eftir venjulegan leiktíma í leiknum þá verður strax gripið til vítaspyrnukeppni til að knýja fram úrslit.
.jpg?proc=760)
