Bóklegi hluti KSÍ I þjálfaranámskeiðsins verður kenndur á netinu – 13. febrúar 2021
Mynd - fotbolti.net - Hafliði Breiðfjörð
KSÍ hefur ákveðið að bæta við einu auka KSÍ I þjálfaranámskeiði, fyrir þá þjálfara sem kunna að hafa misst af því í nóvember sl. Bóklegi hluti námskeiðsins verður kenndur í gegnum Teams, laugardaginn 13. febrúar 2021. Verklegi hluti námskeiðsins verður svo haldinn í mars nk.
KSÍ er í samstarf við Íþróttafræðideild Háskólans í Reykjavík. Samstarfið gerir fræðsludeild KSÍ kleift að bjóða þjálfurum upp á aðgang að Canvas kennsluforritinu. Þar munu fyrirlestrar birtast og þeir þjálfarar sem hyggjast taka námskeiðið hafa fimm daga til að horfa á fyrirlestrana, svara spurningum og undirbúa umræðuefni sem farið verður í þegar hópurinn kemur saman á Teams.
Laugardaginn 13. febrúar mun hópurinn koma saman á Teams þar sem fókusinn verður á umræður um fyrirlestra námskeiðsins. Fylgst verður með framvindu þátttakenda í aðdraganda námskeiðsins, hverjir eru búnir að horfa á fyrirlestrana, hverjir eru búnir að svara spurningum úr fyrirlestrunum o.s.frv. Þegar hópurinn kemur saman á Teams verður eingöngu einn fyrirlestur – Forvarnir og viðbrögð við einelti.
Námskeiðsgjald er 21.000 kr.
Dagskráin er sem hér segir:
Laugardagurinn 13. febrúar
kl. 9.00-9.20 Kynning á KSÍ þjálfaranámskeiðum
kl. 9.20-10.40 Knattspyrnuþjálfun barna (umræður)
kl. 10.40-11.00 Hlé
kl. 11.00-12.00 Kennslufræði og tækniþjálfun(umræður)
kl. 12.00-12.30 Hlé
kl. 12.30-14.00 Forvarnir og viðbrögð við einelti (fyrirlestur)
Skráning á KSÍ I námskeið 13. febrúar (skráningu lýkur 7. febrúar):
.jpg?proc=760){kind=logo}
