Íþróttir eru fyrir alla - RIG ráðstefna 4. febrúar
Ráðstefnan ,,Íþróttir fyrir alla,, mun fara fram 4. febrúar í tengslum við RIG - Reykjavik International Games.
Hvernig líður hinsegin ungu fólki í íþróttum? Eru íþróttir fyrir alla? Þessum spurningum og öðrum verður svarað fimmtudaginn 4. febrúar í Háskólanum í Reykjavík kl. 13:00 - 16:00. Ráðstefnan er hluti af Reykjavíkurleikunum, RIG.
Vegna samkomutakmarkana verður ekki hægt að mæta í sal, en ráðstefnunni verður streymt á Youtube rás leikana. Nánari upplýsingar og dagskrá er hægt að finna á rig.is og facebook. Streymið er opið öllum, en þeir sem hafa áhuga á því eru hvattir til að skrá sig hér.
Að ráðstefnunni standa Íþróttabandalag Reykjavíkur, íþrótta- og Ólympíusamband Íslands, Ungmennafélag Íslands, Háskólinn í Reykjavík og RIG - Reykjavik International Games.
.jpg?proc=760){kind=logo}
