U21 karla - Dregið í undankeppni EM 2023 á fimmtudag
Mynd - fotbolti.net - Hafliði Breiðfjörð
Dregið verður í undankeppni EM 2023 hjá U21 karla fimmtudaginn 28. janúar.
Drátturinn fer fram í höfuðstöðvum UEFA í Nyon og hefst hann kl. 11:30 að íslenskum tíma. Hægt verður að fylgjast með honum í beinni útsendingu á vef UEFA.
Níu riðlar verða í undankeppninni, átta með sex liðum og einn með fimm liðum, en lokakeppnin verður haldin í Georgíu og Rúmeníu. Ísland er í styrkleikaflokki þrjú, en flokkana má sjá hér að neðan.
Undankeppnin hefst í mars á þessu ári og lýkur í júní árið 2022. Þær níu þjóðir sem vinna sína riðla ásamt því liði í 2. sæti með besta árangurinn komast beint í lokakeppnina. Hinar átta þjóðirnar sem enda í öðru sæti síns riðils fara í umspil um fjögur sæti í lokakeppninni og fer það fram í september 2022.
